Делегейде чон бүрүзү чурттап турар чериниң аайы-биле ойнаар оюннарлыг болур. Олар салгалдан салгалче дамчып, чоннуң уттундурбас оюннары бооп артып каар. Ол оюннар чаштарны, аныяктарны чуртталгага аваангыр-кашпагай, угаан-сарыылдыг болурунга ɵɵредип чоруур.
Бо үеде делегейде дыка хɵй чоннуң оюннары чидип азы шуут уттундуруп турары харааданчыг. А бистиң тыва оюннарывыс читпейн, уттундурбайн салгалдан салгалче дамчывышаан, ойнап чоруурувус дыка ɵɵрүнчүг бооп турар
«Кажык» – тыва улустуң эң нептереңгей болгаш ынак оюннарының бирээзи. Бо оюн кижиден кашпагай чорукту, угаангыр болурун негээр. Долгандыр турар кɵрүкчүлерниң, аарыкчыларның сонуургалын оттурар оюн.
#шагаа2021
#кажыкоюну
#тываоюннар